पुणे हादरलं! ४ वर्षीय चिमुकलीवरील अत्याचार आणि हत्याप्रकरणी तपास वेगात; आरोपीविरोधात मजबूत आरोपपत्राची तयारी.पुणे जिल्ह्यातील भोर तालुक्यात घडलेल्या ४ वर्षीय चिमुकलीवरील अत्याचार आणि निर्घृण हत्येच्या प्रकरणामुळे संपूर्ण महाराष्ट्र हादरला असून या प्रकरणात आता पोलिस तपास अधिक वेगाने सुरू आहे. ६५ वर्षीय आरोपी भीमराव कांबळे याला अटक करण्यात आल्यानंतर पोलिसांनी पुरावे मजबूत करण्यासाठी घटनास्थळी नेऊन संपूर्ण घटनेची पुनर्रचना केली आहे. पोलिसांकडून येत्या दोन आठवड्यांत न्यायालयात आरोपपत्र दाखल करण्याची तयारी सुरू असल्याची माहिती समोर आली आहे.पुणे हादरलं! ४ वर्षीय चिमुकलीवरील अत्याचार आणि हत्याप्रकरणी तपास वेगात; आरोपीविरोधात मजबूत आरोपपत्राची तयारी.
१ मे रोजी भोर तालुक्यातील नसरापूर परिसरात ही धक्कादायक घटना घडली होती. उन्हाळ्याच्या सुट्टीनिमित्त आजीकडे आलेल्या चिमुकलीला आरोपीने खाऊचे आमिष दाखवून जनावरांच्या गोठ्यात नेले. तेथे तिच्यावर लैंगिक अत्याचार करून अत्यंत क्रूरपणे हत्या करण्यात आल्याचा आरोप आहे. मुलगी बेपत्ता झाल्यानंतर कुटुंबीय आणि गावकऱ्यांनी शोध सुरू केला असता सीसीटीव्ही फुटेजमध्ये आरोपी मुलीसोबत दिसून आला होता. त्यानंतर पोलिसांनी आरोपीला तातडीने ताब्यात घेतले.
IPL 2026 मध्ये प्लेऑफची शर्यत रंगात; मुंबई, बंगळुरू आणि कोलकात्यात जोरदार चुरस
या प्रकरणातील पोस्टमॉर्टम अहवालात गुदमरल्याने मृत्यू झाल्याचे स्पष्ट झाले असून मुलीच्या शरीरावर अनेक गंभीर जखमा आढळल्याची माहिती तपास अधिकाऱ्यांनी दिली आहे. पोलिसांनी घटनास्थळावरील फॉरेन्सिक पुरावे, सीसीटीव्ही फुटेज आणि साक्षीदारांचे जबाब यांच्या आधारे केस अधिक मजबूत करण्याचे काम सुरू केले आहे. आरोपीविरोधात भारतीय न्याय संहिता (BNS) तसेच POCSO कायद्यानुसार गंभीर गुन्हे दाखल करण्यात आले आहेत.
दरम्यान, या घटनेनंतर परिसरात तीव्र संतापाची लाट उसळली होती. शेकडो ग्रामस्थांनी आंदोलन करत मुंबई-बंगळुरू महामार्ग रोखला होता. नागरिकांनी आरोपीला फाशीची शिक्षा देण्याची मागणी केली असून पीडित मुलीच्या कुटुंबीयांनीही कठोर शिक्षेची मागणी केली आहे. पोलिस प्रशासनाने नागरिकांना न्याय मिळवून देण्याचे आश्वासन दिल्यानंतर आंदोलन मागे घेण्यात आले.
४ वर्षीय चिमुकलीवर अत्याचारानंतर निर्घृण हत्या; ६५ वर्षीय आरोपीचे संतापजनक कृत्य, भोर तालुका हादरला
तपासादरम्यान आरोपीविरोधात यापूर्वीही अशाच प्रकारचे गुन्हे दाखल असल्याची माहिती समोर आली आहे. त्यामुळे पोलिस आणि न्यायव्यवस्थेवरही अनेक प्रश्न उपस्थित केले जात आहेत. राज्य सरकारकडून या प्रकरणाचा जलदगती न्यायालयात खटला चालवण्याची तयारी सुरू असल्याचे सांगितले जात आहे.
या घटनेनंतर महाराष्ट्र राज्य बालहक्क आयोगाने राज्यातील सर्व POCSO प्रकरणांचा आढावा घेण्याचे आदेश दिले आहेत. बालकांवरील वाढत्या अत्याचारांच्या घटनांमुळे समाजात चिंता व्यक्त होत असून कठोर कायद्यांची प्रभावी अंमलबजावणी करण्याची मागणी पुन्हा जोर धरू लागली आहे.
अशाच प्रकारच्या बातम्या तसेच नोकरीच्या संधी जाणून घेण्यासाठी व्हाट्स अँप ग्रुप जॉईन करा